Oharrak

Kaleko Elkartasun eta Kultur Elkarteak hitzordu berri bat du Amurrion. Zehazki, irailaren 20an stand bat jarriko du, eta bertan bigarren eskuko liburuak, diskoak eta CDak eskuratu ahal izango dira, egoera onean eta merke. Berreskuratutako Liburu eta Diskoaren Elkartasuneko Miniazoka hau Elexondo kalean egongo da, 09:30etik 13:30era. Euria egiten badu, bertan behera geratuko da.

Abuztuaren 17an San Rokeren Errepikapen Eguneko herri bazkaria egongo da. Bazkariak paella platera bat izango du lehenburuko, baita odoloste bat, ogia eta baso bat ardo tiket bakoitzeko. Santuaren zelaian eskuratu ahalko dira tiketak 13:30etik aurrera, 1,50€-ko prezioan

Amurrioko Udalak herritarrei gogorarazten die, segurtasun-arrazoiak direla eta, debekatuta dagoela bost urtetik beherako haurrak igotzea abuztuaren 16an, San Roke jaietan, egingo den desfileko kuadrillen karrozetara.

Lehenengo aldiz uda honetan martxan jarri den Uda Artistikoa tailer berritzaileko parte-hartzaileek egindako lanak uztailaren 26an (ostirala) jarriko dira ikusgai. 11:00etatik 13:00ak arte, Kultur Etxeko ekitaldien aretoan argazkigintza-, zeramika- eta pintura-lanak erakutsiko dira. Tailer honetan sei eta hamaika urte arteko hogeita zortzi haurrek hartu dute parte. Aipatutako diziplinez gain, gorputz-adierazpen ariketak ere egin dituzte. Irakaskuntza-ekimen hau aurretik egindako ikastaroekin dago lotuta, eta Amurrioko Juan de Aranoa Udal Musika Eskolaren prestakuntza- eta aisialdi-eskaintza artistikoaren barruan sartzen da.

Uztailaren 1etik aurrera, Herritarren Arreta Zerbitzuko (HAZ) aurrez aurreko arretako ordutegia 9:00etatik 14:00etara izango da.  Telefonozko arreta 8:30etatik a 14:30etara izango da.

Uztailaren 1etik aurrera  Arabako Foru Aldundiak Eskualdeko Garraio  zerbitzu berria martxan jarriko du eta gure zonaldeari hurrengo loteak dagozkie:

-          Amurrio-Arrespaldiza

-          Amurrio-Orduña

Erreserbak online egin daitezke www.araba.eus/alavabus web gunean, edota 945182060 telefonoan  (astelehenetik ostiralera 7:30etik  20:00etara eta larunbatean 8:00etatik 20.00etara).

Erreserba aurreko egunean egin beharko da, arratsaldeko 20.00ak baino lehen.

Autobus txartela 2,50 €-koa izango da eskudiruz ordaindu ezkero, Bat txartelarekin ordainduta, 1,70 €-koa izango da. Familia ugariek eta Bat Berezi txartela dutenek beste deskontu batzuk izango dituzte.

Amurrio-Urduña.pdf

Amurrio-Arrespaldiza.pdf

 

 

Abuztuaren 9ra arte kobratuko dira 2019ko 3. hiruhilekoko zabor tasen ordainagiriak. Ordainketa egin ez duten zergadunek Laboral Kutxaren bulegoetan (Mendiko kalea) egin ahalko dute. Adierazitako epea bukatuta, administrazio-premiamendu izeneko prozedura exekutiboa abiaraziko da, eta ordaindu ez diren kuotak kobratuko dira, % 20ko gainordainarekin.

Ekainaren 25ean, Nagusik txango bat antolatu du Bilboko itsasadarrean. Goizeko 10:00etan trena hartuko da Amurrion, eta 11:00etan hasiko da bi orduko ibilbide gidatua itsasadarretik. Plaza-kopurua mugatua da (70). Irteeraren prezioa pertsona bakoitzeko 10 euro da, gehi Bilbora joateko tren txartelaren prezioa. Izena emateko epea ekainaren 11n hasiko da, Nagusin, astearte eta ostiral arratsaldeetan.

Udalak antolatutako argazki-lehiaketa horretarako lanak ekainaren 14ra arte aurkeztu daitezke. Lehiaketan izena emateko, www.amurrio.org web orrian argitaratu den formularioa bete beharko da. Lehiaketan bi modalitate daude: bata, gai libreko hiru argazki, eta, bestea, Amurriori eta giza paisaiari buruzko hiru argazki. Guztira, 1.600 euro banatuko dira sarietan: gai libreko argazkien lehenengo saria, 400 €, eta bigarren saria, 200 €; Amurriori buruzko argazki bildumaren irabazleak 800 € jasoko ditu eta bigarrenak 200 €. Sariak ekainaren 28an banatuko dira, 20:00etan, La Casonan. Lan hautatuen erakusketa egun horretan bertan inauguratuko da, eta uztailaren 19ra arte egongo da ikusgai. 

Ekainaren 30era arte, 2019. urteko trakzio mekanikoko ibilgailuen gaineko zergaren ordainagiriak kobratuko dira. Ordainketa helbideratu gabe dutenek Laboral Kutxaren bulegoetan ordaindu ditzakete zergak (Mendiko kalea 1, Amurrio), astelehenetik ostiralera, 08:30etik 10:30era. Epe hori amaitutakoan, administrazio-premiamenduko prozedura exekutiboari ekingo zaio, eta ordaindu ez diren kuotak kobratuko dira, % 20ra arteko gainordainarekin.

Orriak