Irailaren 15ean, igandea, doako nordic walking saio bat egingo da

28 Abuztua 2019

Beharrezkoa da aurretik izena ematea Bañueta Kiroldegian, hilaren 1etik 10era bitartean.

Amurriok nordic walking jardueraren proposamena egiten du irailaren 15eko goizerako. Modu natural batean ibiltzean datza, bastoi batzuekin, horiek besoen mugimendu instintiboarekin lagunduz. Jarduera osasungarria eta osoa da; izan ere, gorputzeko muskuluen % 90 lantzen da. Adin eta egoera fisiko ezberdinetako pertsonek praktikatu dezakete.

Udalak, martxoan eta maiatzean, nordic walkingeko doako hastapen ikastaroak antolatu zituen, eta oso harrera ona izan zuten. Bañueta Kiroldegitik jarraipena eman nahi zaio kirol praktika honi. Irailaren 15ean (igandea), kirol honen saio praktikoa antolatu da. 10:00etan hasiko da eta parte hartuko duten pertsonak Guk inguruan elkartuko dira, Juan Urrutia Parkean. Saioan, lehenik eta bien, ordu erdiko tartea izango da makilen erabilera teknika ezagutzeko; jarraian, talde ezberdinak egingo dira parte hartzaileen mailaren arabera; eta gero, herriko ibilbide osasungarrietako bat egingo da. Saioaren iraupena bi ordukoa izango da.

Aldez aurreko izen-ematea Bañuetan 

Parte hartu ahal izateko ez da beharrezkoa aurretik nordic walkinga ezagutzea. Bastoiak utziko zaizkio behar dituenari. Beharrezkoa da izena ematea kiroldegiko harrera-lekuan irailaren 1etik 10era bitartean. Doako saioa da. Bañuetako bi langilek (eskolako diziplina honen irakaslea den Fittrek) zuzenduko dute jarduera hau, Gasteizko Hazten Kirol Taldeko irakasleen laguntzarekin. Kirol jarduera honen ikastaroak egingo dira Bañueta Kiroldegiko 2019-2020 kanpainan.